ЦАХИМ СУРГАЛТ ЗОХИОН БАЙГУУЛЛАА

“Иргэдийн итгэлийг хүлээсэн төрийн үйлчилгээний жил” болгон зарласантай холбоотой төрөөс газрын талаар баримтлах бодлого шийдвэрийг хэрэгжүүлэх, хэрэгжилтийг хангуулах, хууль тогтоомжийг сурталчлах ажлын хүрээнд 330 сумын Засаг дарга, Засаг даргын Тамгын газрын холбогдох мэргэжилтэн нарт цахим сургалт зохион байгууллаа.

Сургалт дараах сэдвийн хүрээнд хийгдлээ. Үүнд:

Газрын тухай хууль, тогтоомжид орсон нэмэлт өөрчлөлтүүдийн талаар

Малчдын хоршоонд мал аж ахуйн үйлдвэрлэл эрхлэх, тэжээлийн ургамал тариалах зориултаар газар олгох ажлын явц, тулгамдаж буй асуудлууд

Газрын мониторингийн үйл ажиллагаа, Газрын төлөв байдал, чанарын хянан баталгааны талаар анхаарах асуудал, нөхөн сэргээлт

Газар өмчлөх, эзэмших, ашиглах эрхийн дуудлага худалдаа, эзэмших, ашиглах эрхийн төсөл сонгон шалгаруулалт зохион байгуулахад анхаарах асуудал

Газар зүйн нэр, Геодезийн байнгын цэг, тэмдэгтийн тодруулалт, хот, суурины төвийн 1:1000-ны масштабтай байр зүйн зураг, газар доорх шугам сүлжээний зургийг солбицлын ITRF2020 тогтолцоонд хийх талаарх мэдээлэл

Архивын баримт, бичгийн хадгалалт, хамгаалалт, байрны асуудал шийдвэрлэхэд дэмжлэг үзүүлэх талаарх мэдээлэл

Сургалтад Баян-Өлгий, Сүхбаатар аймгийн засаг дарга нар, 21 аймгийн 320 сумын Иргэдийн Хурлын дарга, Засаг дарга, аймгийн Засаг даргын Тамгын газрын мэргэжилтэн, сумын даамал зэрэг нийт 1650 ажилтан, албан хаагч хамрагдаж мэдээлэл авлаа.