Бэлчээрийн газрын өөрчлөлтийг фото мониторингийн аргаар үнэлэх ажил

Бэлчээрийн газрын төлөв байдал, чанарын өөрчлөлтийг тогтсон хугацаанд тогтмол хянах, өөрчлөлтийг илрүүлэх, урьдчилан сэргийлэх, ашиглалтыг тохируулах, үнэлэлт, дүгнэлт өгөх, холбогдох мэдээллийн санг үүсгэн хэрэглэгчдийг мэдээллээр хангах, бэлчээрийн газрын хөрсийг нөхөн сэргээх үйл ажиллагааг хэрэгжүүлэх, газар зохион байгуулалтын төлөвлөгөөг боловсруулах суурь мэдээлэл болгох зорилгоор бэлчээрийн газрын өөрчлөлтийг фото мониторингийн аргаар үнэлэх ажлыг улсын хэмжээнд 7 дахь жилдээ зохион байгуулан ажиллаж байна.

Хэрэглээний давуу тал: Бэлчээрийн газарт фото мониторинг хийх аргын давуу тал нь богино хугацаанд нэг дор олон мэдээллийг цуглуулах, хэрэглэхэд энгийн, зардал багатай, сэргэн ургалт, доройтлын урт, богино хугацааны өөрчлөлтийг харуулдагт оршино.

Үр дүн: 2022 оны байдлаар бэлчээрийн газрын өөрчлөлтийг фото мониторингийн аргаар үнэлэх ажлыг нийслэлийн 6 дүүрэг, 21 аймгийн 322 сумын хэмжээнд 109.4 сая га бэлчээрийн газрын 5166 мониторингийн цэгт зохион байгуулан ажилласан байна.

Хүснэгт 1. Бэлчээрийн мониторингийг төлөөлж буй талбайн хэмжээ

 

Бэлчээрийн газрын төлөв байдлын өөрчлөлт:

2017 оны бэлчээрийн газрын төлөв байдал, мониторингийн үр дүнг 2022 он хүртэлх үр дүнтэй харьцуулахад бэлчээрийн төлөв байдлын доройтлын хэмжээ жил бүр нэмэгдсэн байна. 

 

 

                                                                           Зураг 1. 2022 оны бэлчээр хамгаалах, нөхөн сэргээх арга хэмжээний зураг

Бэлчээрийн доройтлын байдал:

2022 оны байдлаар нийт бэлчээрийн газрын 13’627’365.1 га талбай буюу 12.4% нь байгалийн унаган төрхөө алдаагүй, 57’276’553.9 га талбай буюу 52.3% нь бага зэрэг доройтсон, 17’285’023.6 га талбай буюу 15.8% нь дунд зэрэг доройтсон, 15’716’436.7 га талбай буюу 14.4% нь хүчтэй доройтсон, 5’580’597.8 га талбай буюу 5.1% нь маш хүчтэй доройтсон байна.

Бэлчээрийн даац:

2022 оны байдлаар бэлчээрийн мониторингийн үр дүнгээр хонин толгойд шилжүүлснээр аймгуудын бэлчээрийн даацыг гаргасан байна.

2022 оны байдлаар улсын хэмжээнд бэлчээрийн мониторингийн үр дүнгээр хонин толгойд шилжүүлснээр 82 сая мал өвөлжиж, хаваржих боломжтой байна. Жилийн эцcийн малын тоо 117 сая хонин толгой байгаа ба энэ нь боломжит даацаасаа 35 сая хонин толгойгоор хэтэрсэн байна.

Бэлчээрийн хөрс хамгаалах, нөхөн сэргээлт хийх ажил:

Бэлчээрийн фото мониторингийн ажлын тухайн оны үр дүнг ашиглан бэлчээрийн хөрс хамгаалах, нөхөн сэргээлт хийх үйл ажиллагааг сумын тухайн жилийн газар зохион байгуулалтын төлөвлөгөөнд тусгах боломж бүрдсэн байна.

2022 онд 17 аймгийн хэмжээнд нийт 4’471’228 га талбайд бэлчээрийн хөрс хамгаалах нөхөн сэргээлтийн ажлыг зохион байгуулсан байгаа бөгөөд 1’970’265.7 га талбайг чөлөөлсөн, 20’144 га талбайг хашиж хамгаалсан, 319’649 га талбайг бэлчээр усжуулсан, 1’728’714 га талбайг өнжөөж сэлгэсэн, 433’027’ га талбайд хортон мэрэгчтэй тэмцэх ажлуудыг тус тус хийсэн байна. Энэ нь өмнөх оны хамгаалах арга хэмжээнээс 2’041’149 га талбайгаар бага байна.

Зураг 2. Бэлчээрийн хөрс хамгаалах, нөхөн сэргээлт хийсэн ажил

Бэлчээрийн газрыг төлөөлүүлэн фото мониторингийн хээрийн судалгаа хийж, мониторингийн цахим системд мэдээллийг оруулж, 5166 мониторингийн цэгийн мэдээллийг  https://egazar.gov.mn/map цахим системээс харна уу.

 EGAZAR.GOV.MN ЦАХИМ СИСТЕМЭЭР: