Кадастрын мэдээллийн сан хөмрөг
Нэгж талбарын хувийн хэргийн баримт
“Кадастрын зураглал ба газрын бүртгэл” төсөл 2002 оноос хэрэгжиж эхэлснээр анх удаа системчилсэн кадастрын хэмжилт, зураглалын ажлыг геодезийн хэмжилтийн аргаар гүйцэтгэж, газрын бүртгэлийн мэдээллийн сан байгуулж холбогдох мэдээ, мэдээллийг мэдээллийн санд оруулснаар Монгол улсад нэгж талбар дээр суурилсан Үндэсний газрын мэдээллийн систем байгуулагдсан.
Төслийн хүрээнд кадастрын хэмжилт, зураглалын ажлыг 2002-2009 онд 3 үе шаттайгаар Улаанбаатар хот, 21 аймаг, 340 сум, 55 суурин газар хамарсан нийт 1 549 158 га талбайд 364 117 нэгж талбарт хийж гүйцэтгэсэн байна. Кадастрын зураглал ба газрын бүртгэлийн ажлыг хийж гүйцэтгэснээр нийт газар тариалангийн талбайг зураглаж, Улаанбаатар хотын газар нутгийн 98%-ийг бүртгэсэн. Улсын төсвийн хөрөнгөөр хийгдсэн энэ ажлын үр дүнд 21 аймаг 340 сум, 55 суурин газарт бий болсон 577 467 нэгж талбарын хувийн хэрэг үүсгэн тухайн аймаг, сумын газрын албанд хадгалагдаж байна.
Зураг 1. Нэгж талбарын хувийн хэрэг хадгалагдаж байсан байдал
Газар эзэмших, ашиглах, өмчлөх үйл ажиллагаа тасралтгүй явж байгаатай холбоотойгоор эдгээр цаасан суурьтай баримт нэмэгдэн, хадгалах байр талбай, хадгалж хамгаалах орчин хангалтгүйгээс хувь хүн, иргэн аж ахуйн мэдээлэл бүхий баримтууд үрэгдэх, мэдээлэл алдагдах, устаж үгүй болох асуудал тулгарсан тул холбогдох хуулиудад заасны дагуу эдгээр баримтуудыг төрийн архивт төвлөрүүлэн хадгалах шаардлагатай болсон.
ГЗБГЗЗГ-ын даргын 2018 оны 08 дугаар сарын 10-ны өдрийн А/134 дүгээр тушаалаар баталсан “Аймаг, нийслэлийн газрын кадастрын мэдээллийн санг өндөр, тусгагийн нэгдсэн тогтолцоонд шилжүүлэн засварлаж, улсын кадастрын нэгдсэн мэдээллийн системд холбох, үйлчилгээнд нэвтрүүлэх ажлын заавар”-т нэгж талбарын хувийн хэргийн цаасан сууртай баримтыг ГЗБГЗЗГ-ын Архив, мэдээллийн төвд актаар хүлээлгэн өгөхөөр заасан.
Зураг 2. Хүлээлгэн өгч байгаа баримт
Уг заалтын дагуу 2019-2022 онд Баянгол, Чингэлтэй, Сүхбаатар, Багануур, Багахангай, Хан-Уул, Налайх, Баянзүрх дүүргийн өмчлөх эрх үүссэн 2003-2015 оны 19423 нэгж талбарын хувийн хэргийн 3082 хадгаламжийн нэгжийн 933576 хуудас баримтыг хүлээн авч Кадастрын мэдээллийн сан хөмрөгт архивлаад байна.
НИЙСЛЭЛИЙН ХЭМЖЭЭНД 2003-2015 ОНД ГАЗАР ӨМЧЛӨХ
ЭРХ ҮҮССЭН НЭГЖ ТАЛБАРЫН ХУВИЙН ХЭРГИЙН БАРИМТ
|
д/д |
Дүүргийн нэр |
Нэгж талбарын хувийн хэргийн тоо |
Хадгаламжийн нэгжийн тоо |
Хуудасны тоо |
|
1 |
Баянгол дүүрэг |
6317 |
255 |
59659 |
|
2 |
Чингэлтэй дүүрэг |
17671 |
511 |
153164 |
|
3 |
Сүхбаатар дүүрэг |
9104 |
282 |
82719 |
|
4 |
Багануур дүүрэг |
23066 |
550 |
182860 |
|
5 |
Хан-Уул дүүрэг |
15158 |
431 |
125483 |
|
6 |
Багахангай дүүрэг |
7269 |
145 |
54184 |
|
7 |
Налайх дүүрэг |
5295 |
211 |
45544 |
|
8 |
Баянзүрх дүүрэг |
35543 |
697 |
229963 |
|
|
Нийт |
119423 |
3082 |
933576 |
Зураг 3. Кадастрын мэдээллийн сан хөмрөгт хүлээн авсан
Нэгж талбарын хувийн хэргийн баримт