ӨНӨӨДӨР ЕВРАЗИЙН ОРОН ЗАЙН ӨГӨГДЛИЙН ДЭД БҮТЦИЙН 10 ДУГААР ХУРАЛДААН УЛААНБААТАР ХОТНОО ЭХЭЛЛЭЭ

(2024.09.26)Гишүүн орнуудын оролцоо, санаачлага дээр тулгуурлан зохион байгуулагдаж буй 10 дугаар хурал нь “Евразийн гишүүн улсуудын орон зайн өгөгдлийн тогтвортой зорилт” (“Sustainable Spatial Data Strategies for ESDI Member States”) сэдвийн хүрээнд Улаанбаатар хотноо зохион байгуулагдаж байна.

Хуралдаанд Азербайжан, Беларусь, ОХУ, Киргиз, Узбекистан, Тажикистан, Казахстан, Гүрж, БНСУ, Турк зэрэг улс орнуудын газар зохион байгуулалт, геодези, зураг зүй, орон зайн өгөгдлийн дэд бүтэц, газрын кадастрын асуудал хариуцсан төрийн болон хувийн хэвшлийн байгууллагуудын зочид төлөөлөгчид оролцож байна.