ЯПОН УЛСЫН САНСАР СУДЛАЛЫН АГЕНТЛАГ (JAXA)-ТАЙ ХАМТРАН АЖИЛЛАЖ БАЙНА
Өнөөдөр тус газрын удирдлагууд Япон улсын сансар судлалын агентлаг (JAXA)-ийн Хиймэл дагуулын навигацийн технологи, Сансрын технологийн газрын захирал Сатоши Когурэг хүлээн авч уулзлаа.Тэрээр Япон улсын хиймэл дагуулуудын хөдөлгөөн, QZSS хиймэл дагуулын Монгол Улсын байршилд нийцэх байдал, MADOCA-PPP үйлчилгээг MONPOS системтэй холбохын давуу тал болон байнгын ажиллагаатай станцын цаашдын хамтын ажиллагааны талаар танилцууллаа.
ГЗБГЗЗЕГ-ын дарга А.Энхманлай, Япон улсын сансар судлалын агентлаг (JAXA)-ийн Хиймэл дагуулын навигацийн технологи, Сансрын технологийн газрын захирал Сатоши Когурэ нар дараах чиглэлээр хамтран ажиллах Санамж бичиг байгуулахад санал солилцож, урьдчилсан тохиролцоонд хүрлээ. Үүнд:
Байнгын ажиллагаатай станцын өгөгдөл солилцох /MONPOS системийг JAXA MGM-Net сүлжээтэй холбох/; Өндөр нарийвчлалын хэмжилтэд хамтран үнэлгээ, судалгаа хийх; Хүний нөөцийн чадавхийг бэхжүүлэх семинар, сургалт зохион байгуулах; Олон улсын GNSS-ийн алба (IGS)-ны станц байгуулах; QZS-6 хиймэл дагуулаар дамжуулан Монгол улсад өргөн талбайг хамарсан ионосферын засварын мэдээг гаргах; QZSS үйлчилгээ үзүүлэх, авахын тулд албан ёсны гэрээ байгуулах.